Afgʻonistonda 11-oktyabr kuni Toshkent vaqti bilan soat 13:10 da sodir boʻlgan zilzila kuchi Oʻzbekistonda sezildi.

FVV Seysmoprognostik monitoring Respublika markazi xabariga koʻra, Toshkentdan 573 kilometr janubiy-gʻarbda kuzatilgan zilzila oʻchogʻi 15 kilometr chuqurlikda, magnitudasi 5,2 ballga teng boʻlgan.

Oʻzbekistonda sezilish kuchi Surxondaryo viloyatida 3 ballni, Qashqadaryo viloyatida 2 ballni tashkil etgan.

Shu kuni soat 04:23 da Afgʻonistonda sodir boʻlgan zilzila kuchi Surxondaryo va Fargʻona viloyatlarida sezilgandi.