2013-yili ruminiyalik fotograf Mixael Norok hayotida keskin oʻzgarish qiladi. Ishini tashlab, ryukzak va fotoapparatini oladi-da, dunyo boʻylab sayohatga chiqadi. Maqsad – turli millat ayollarini suratga tushirish orqali goʻzallik chegara bilmasligini, madaniyatlar turfaligini koʻrsatish.

Mixael unchalik koʻp boʻlmagan mablagʻ bilan 50 ga yaqin mamlakatga safar qildi. Chodirda yoki mahalliy aholi uylarida yashab, xilma-xil madaniyatlar bilan tanishishga muvaffaq boʻldi. Fotograf nafaqat sayyohlar orasida mashhur mamlakatlarga, balki Eron va Shimoliy Koreya kabi siyosiy sabablarga koʻra yopiq davlatlarga ham borib, dunyo goʻzallik xaritasiga yetishmayotgan elementlarni qoʻsha oldi.

“Global tendensiyalar bizni bir xil koʻrinishga va harakat qilishga undaydi, lekin biz bir-birimizdan farq qilganimiz uchungina goʻzalmiz – bu boshqalar tomonidan qadrlanadi. Maqsadim – «Goʻzallik atlas”ini aholi xilma-xilligining koʻzgusiga aylantirish, oʻz madaniyatiga sodiq, tabiiylikni saqlashga intiladigan odamlarni qoʻllab-quvvatlashdir», deydi fotograf.

Mixael Norok sayohatlari davomida jamiyat ayollardan muayyan tashqi qiyofa va xulq-atvor kutishini payqadi: baʼzi mamlakatlarda ayollar jozibali koʻrinishga harakat qiladi, boshqalarida – kamtarona. Goʻzallik marketing kampaniyalari, moda tendensiyalari yoki ijtimoiy meʼyorlarga bogʻliq emas, deydi u.

Fotografning fikricha, biz oʻzimiz boʻlishni oʻrganishimiz kerak va boshqalarga ham oʻzi boʻlib yashashga qoʻyib berishimiz zarur.

Moldova

AQSH

Ruminiya

Turkiya

Oʻzbekiston

Chili

Hindiston

Peru

Moʻgʻiliston

Shimoliy Koreya

Eron

Efiopiya

Tojikiston

Meksika