Kecha, 28-iyul kuni taniqli bastakor va sozanda Sultonali Rahmatov uzoq vaqt davom etgan xastalik sabab vafot etdi. Ijodkor 1970-yil 13-yanvarda Toshkent shahrida tugʻilgan. 

1987-yil Toshkent konservatoriyasi (hozirgi Oʻzbekiston davlat konservatoriyasi)ga oʻqishga kiradi. Uni ommaga tanitgan “Oʻzbekiston” musiqasidan 1994 – 2005-yillar Oʻzbekiston telekanalining “Assalom Oʻzbekiston” axborot-musiqiy dasturining boshlanish musiqasi sifatida hamda Oʻzbekistondagi koʻplab bayram tantanalarida foydalanilgan. 

Sultonali Rahmatov 2006-yili Nyu-York musiqa akademiyasi kompozitori boʻlgan. 2010-yil Oʻzbekistonda xizmat koʻrsatgan madaniyat xodimi unvoni bilan taqdirlangan. Mudofaa vazirligi qoshidagi qurolli kuchlar markaziy ashula va raqs ansambli badiiy rahbari boʻlib ishlagan. Kompozitor Oʻzbekiston kompozitorlari va bastakorlari uyushmasi aʼzosi edi. Bastakorning ilk yakkaxon konserti 2006-yil Olmaota shahrida, Oʻzbekistondagi birinchi konserti esa 2007-yili Samarqanddagi Registon maydonida boʻlib oʻtgan.

Oyina.uz marhum ijodkorning xalq orasida sevimli va mashhur bo‘lgan musiqalarini yodga oladi.

“Assalom Oʻzbekiston”

Mening Oʻzbekistonim

“Oʻzbegim”

Baxt

Muhabbat siri

Zamin

Hayot

Yolgʻizlik

Sharq taronalari

Simfoniya 2