Bugun Oʻzbekiston Respublikasi sanʼat arbobi, Davlat mukofoti sovrindori, kompozitor Anor (Anorqul) Nazarov tavallud topgan kun.

Bastakor 1950-yil 5-iyunda Toshkent viloyati Bo‘ka tumanida tavallud topgan. 1968-yilda M.Ashrafiy nomidagi Toshkent davlat konservatoriyasini tamomlagan.

1968−1985-yillarda A.Navoiy nomidagi DAKT orkestri solisti, 1985−1987-yillarda Toshkent shahar musiqa ansambllari jamoasi bosh dirijyori, 1986−1996-yillarda O‘zbekiston teleradiokompaniyasi estrada-simfonik orkestri badiiy rahbari va bosh dirijyori, 1996−2000-yillarda “O‘zbeknavo” birlashmasi bosh direktori, 2000−2002-yillarda esa badiiy rahbari lavozimlarida faoliyat yuritgan.

1995-yil O‘zbekiston Respublikasi san’at arbobi, 1997-yil A.Qodiriy nomidagi Davlat mukofoti laureati va 2008-yil “Fidokorona xizmatlari uchun” ordeni bilan taqdirlangan. U ijodiy faoliyati davomida 120 dan ortiq milliy-estrada yo‘nalishidagi mashhur qo‘shiqlar musiqasini yaratgan.

Anor Nazarov 2019-yil 16-yanvarda vafot etgan.

Oyina.uz bugungi sana munosabati bilan Anor Nazarov kuy bastalagan eng mashhur qo‘shiqlar “playlisti”ni taqdim etadi:

Muyassar Razzoqova, Avaz Rajabov, “Vatan azizdir”;

Nuriddin Haydarov, Kumush Razzoqova, Doston Ubaydullayev, “Men nechun sevaman O‘zbekistonni”;

Sevara Nazarxon, “Ulug‘imsan, Vatanim”;

Zohida Umarova, “Yurt qadri”;

Nuriddin Haydarov, “Do‘lana”;

Ozodbek Nazarbekov, “Jon O‘zbekiston”;

“Fayod” guruhi, “Nozlanajakdir”;

Gulbahor Erqulova, “Izhor”;

Dilshodbek Kattabekov, “Ozod elning o‘g‘liman”;

Hojiakbar Haydarov, “Yur, muhabbat, ketdik bu yerdan”.