Oyina.uz portali o‘zbekning 100 ziyolisidan “HAR BIR INSON HAYOTI DAVOMIDA O‘QISHI SHART BO‘LGAN 10 KITOB” tavsiyasini berishda davom etadi.

Loyihaning 67-kuni Respublika Ma’naviyat va ma’rifat markazi rahbari Otabek Hasanov “Har bir inson hayoti davomida o‘qishi shart bo‘lgan 10 kitob” tavsiya qiladi:

1. Amir Temur, “Temur tuzuklari” kitobi;

2. Nizomulmulk, “Siyosatnoma” asari;

3. Abdulla Qodiriy, “O‘tkan kunlar” romani;

4. Hamdam Sodiqov, “Amir temur saltanatida xafvsizlik xizmati” kitobi;

5. Li Kuan Yu, “Uchinchi dunyodan birinchi dunyoga” asari;

6. Jeymis Klir, “Atom odatlari” kitobi;

7. Paulo Kaelo, “Alkimyogar” romani;

8. Robin Sharma, “O‘z ferrarisini sotgan rohib” asari;

9. Richard Taler, “Nudge. Tanlov arxitekturasi” kitobi;

10. O‘tkir Hoshimov, “Dunyoning ishlari” asari.

Otabek Hasanov 1985-yil 9-martda Toshkent viloyati Olmaliq shahrida tug‘ilgan.

Mutaxassisligi siyosatshunos, davlat boshqaruvi, menejment. 2006-yilda O‘zbekiston milliy universitetining bakalavr, 2008-yilda magistratura bosqichini, 2013-yilda Prezident huzuridagi davlat boshqaruv akademiyasini tugatgan.

Otabek Hasanov mehnat faoliyatini Pedagog kadrlarni qayta tayyorlash va ularning malakasini oshirish tarmoq markazi direktori lavozimidan boshlagan (2013−2017). Prezident huzuridagi Davlat va jamiyat qurilishi akademiyasi (Davlat boshqaruvi akademiyasi) “Boshqaruv kadrlarni tayyorlash va qayta tayyorlash” fakulteti dekani (2017−2019), Prezident huzuridagi Davlat xizmatini rivojlantirish agentligi Inson resurslari va kadrlar salohiyatini rivojlantirish departamenti mudiri (2019−2020) lavozimlarida faoliyat olib borgan.

Prezident huzuridagi Davlat xizmatini rivojlantirish agentligi direktori birinchi o‘rinbosari sifatida ham faoliyat yuritgan.

2021-yilda “Sodiq xizmatlari uchun” medali bilan mukofotlangan.