Oʻzbekistonga anomal sovuqning kirib kelishi oldidan qishki taʼtil 18-yanvarga qadar uzaytirilgani eʼlon qilindi. Tegishli vazirlik va idoralar tomonidan bu borada bir necha bor munosabatlar bildirilib, poytaxtga qaytish uchun olingan chiptalar boshqa sanaga almashtirib berildi.

Biroq kecha, 10-yanvar kuni bir necha hududdagi taʼlim muassasalarida dars mashgʻulotlari o‘z vaqtida boshlanishi haqida avval ijtimoiy tarmoq foydalanuvchilari, soʻngra esa rasmiy tashkilotlar xabar tarqatdi. Maʼlum boʻlishicha, endilikda bunday qarorni qabul qilish vakolati hududiy hokimliklarga berilgan. 

Chigal vaziyat, turlicha qarorlar, aniqrog‘i, beqarorlik ijtimoiy tarmoqlarda hazil-mutoyiba, bahs-munozaralarga sabab boʻlmoqda. Oyina.uz ushbu munosabatlarning aksariyatini bir yerga jamladi.