Китоб ва мутолаа ҳақида буюклар нима деган?

21:08 / 18.08.2021 0 2274

Инсон тафаккурини юксалтирувчи асосий куч бу — мутолаа. Дунё тарихидаги энг кучли подшоҳу бошқа хил давлат арконлари ҳақида маълумотларни ўқисангиз барчасида кичик ёшдан китоб ўқиш, ёзиш ўргатилганлигига гувоҳ бўласиз. Келинг, дунё ижодкорлари китоб ҳақида қандай фикрлар билдирганини кўриб чиқамиз.

* * *
Китоблар - биз қўлда кўтариб юрадиган ноёб сеҳрдир.

Стефан Кинг,
Фантастик романлар ёзувчиси

* * *
Бир китобни икки одам бир хил ўқимайди.

Эдмунд Уилсон,
Адабий танқидчи

* * *
Агар нодир фикрли инсонга дуч келсак, ундан қандай китобларни ўқишини сўрашимиз керак.

Ралф Валдо Эмерсон,
Шоир, эссенавис

* * *
Муаллифи ҳақида ярим соат сўзлайдиган китобни мен ҳеч қачон ўқимаган бўлар эдим.

Вудроу Уилсон
АҚШ президенти

* * *
Китобдай садоқатли дўст йўқ.

Эрнест Ҳемингуэй

* * *
Мутолаани бардавом қилинг. Бироқ ёдда тутингки, асар бу фақат китоб, тафаккур қилишни ўзингиз ўрганишингиз керак.

Максим Горкий

* * *
Китоб ўқиш уни ўзингиз учун қайта ёзишга ўхшайди.

Ангела Картер,
Ёзувчи-журналист

* * *
Болага ўзингиз ўқимайдиган китобни ҳеч қачон берманг ва буни қоида билинг.

Бернард Шоу

Инглиз тилидан Юлдуз Ўрмонова таржимаси

Улашинг