Харизма (ёки харизматик легитимлик) – бошқаларга бирор шахснинг нисбатан мисли кўрилмаган даражада устун хусусиятларга эгалиги ва ана шу устунлик ёрдамида халқни бошқаришга ифодалайдиган тушунча. Харизма тушунчаси илк бор италиялик руҳоний Ст.Паул томонидан мўъжизавий қобилиятга эга бўлган пайғамбарга нисбатан ишлатилган. Aммо илмий тушунча сифатида харизма асосан немис социологи М.Вебер томонидан чуқур тадқиқ қилиниб, «gnadengabe» – «эҳсон» дея номланган. М.Вебернинг фикрича, харизма Худо томонидан берилган эҳсондир. Инглиз олими Ч.Андриан эса бундай шахсий, яъни харизматик устунликни «grace», яъни «қобилият» деб номлаган. Унинг фикрича ҳам, бу – тангри томонидан берилган қобилиятдир. Харизмага асосланган сиёсий ҳокимиятни эса Ч.Андриан «эҳсон этилган қобилият ҳокимияти» деб атайди. Кадимги илоҳий даврларда фақат мазмунга эга бўлган ушбу тушунча вақт ўтиши билан олимлар томонидан реал хаётга татбиқ этила бориб, илоҳий қобилиятга эга бўлмаган, аммо устун хусусиятларга, фазилатларга эга бўлган етакчи тарихий шахсларга нисбатан ҳам ишлатила бошлаган.