Куни кеча ҳайдовчилар фақат ўзининг пропискадан ўтган ҳудудидагина таксичилик қилиши мумкинлиги ҳақида хабар тарқалган эди.

Транспорт вазири Илҳом Маҳкамов бугун ушбу вазиятга изоҳ берди.

Вазирлар Маҳкамасининг қарори статистик жиҳатдан ҳудудлар кесимида ҳисоб олиб бориш мақсадида қилинган. Лицензия олишда пропискага ёки машинанинг давлат рақам белгисига қаралмайди.

Масалан, Сурхондарё вилоятидан 75 рақам олинган ҳамда доимий яшаш жойи Бойсунда бўлса ҳам, у исталган ҳудудда, айтайлик, Тошкентда таксичилик фаолияти билан шуғулланиш учун лицензия олиши мумкин. Бунга ҳеч қандай тақиқ қўйилмайди.