Ижтимоий ҳимояни ривожлантириш институти ва «U-Report» ўзбек ёшларининг болаларга нисбатан зўравонликка муносабатини сўров асосида ўрганди ва таҳлилларга асосланиб, мутахассислар диаграмма тузиб чиқди.

Унда кўрсатилишича, респондентларнинг учдан бир қисмидан кўпроғи (38,7 фоиз) нафақат жисмоний зўравонлик (калтаклаш ва бошқалар), балки руҳий ва юқорида тавсифланган барча зўравонлик шаклларини «зўравонлик» деб ҳисоблайди.

Шунингдек, ҳозирда ёшлар онгида жисмоний ва жинсий зўравонлик шакллари устунлик қилмоқда (тахминан 36 фоиз).

Бундан ташқари, жамиятда ғамхўрлик қилмаслик (3,7 фоиз атрофида) ва эксплуатация (3,2 фоиз) каби зўравонлик шаклларига етарлича эътибор бермаслик муаммоси мавжуд бўлиб, бу кейинчалик жиддий эътибор қаратишни талаб этиши тахмин қилинмоқда.

Олдинроқ Тошкентдаги мактабларнинг бирида 54 та жиноят содир этилгани ҳақида хабар берилган эди.