Мактабгача, умумтаълим ва мактабдан ташқари таълим муассасалари педагоглари учун жорий йилнинг 29 октябридан бошлаб малака тоифа синовларини ўтказиш бошланади. Жараён 16 ноябрга қадар давом этади.

Маълумот учун, имтиҳон топширувчига:

▪️ математика, информатика ва ахборот технологиялари, кимё, биология, физика фанлари учун — 120 дақиқа;

▪️ қолган барча фанлар учун — 90 дақиқа вақт берилади.

Олдинроқ малака синовлари икки босқичда ўтказилиши ҳақида хабар берилган эди. Жумладан, биринчи босқичида педагог мутахассислик фани ва касб стандарти бўйича 40 та (мутахассислик фанидан 35 та, педагогнинг касбий стандартларидан 5 та) тест топшириғини бажариши лозим. Бу орқали унинг билим даражасини аниқланади. Ҳар бир тўғри бажарилган тест 2 балл билан баҳоланади. Тест синовлари учун жами 80 балл берилади;

Иккинчи босқичда эса педагогик маҳоратни аниқлаш мақсадида илғор педагогик услуб ва технологияларни («case study» услуби, лойиҳалар услуби, ҳамкорликда ўқитиш, «амалий ўйин», интерфаол таълим услуби ва бошқалар) қўллаш бўйича 10 та топшириқ берилади. Ҳар бир тўғри берилган жавоб 2 балл билан баҳоланиб. Жами олиниши керак бўлган баҳо – 20 балл.

Малака тоифа синовлари ўтказиладиган саналар (фанлар кесимида) – бу ерда.

Малака тест синовлари ўтказиладиган жой манзиллари – бу ерда.

Малака тест синовларини ўтказишга доир синов материаллари – бу ерда.