Қосимов Шерали Абдуқаҳҳорович Наманган вилоятининг Тўрақўрғон туманига ҳоким бўлди, деб хабар берди вилоят матбуот хизмати.

Маълум бўлишича, Халқ депутатлари Тўрақўрғон тумани Кенгашининг навбатдан ташқари сессиясида вилояти ҳокими Шавкатжон Абдураззоқов туманнинг янги ҳокимини йиғилганларга таништирган.

Вилоят ҳокимининг Қосимов Шерали Абдуқаҳҳоровични Тўрақўрғон тумани ҳокими этиб тайинлаш тўғрисидаги қарори депутатлар томонидан бир овоздан тасдиқланган.

Маълумот учун, Тўрақўрғон туманининг олдинги ҳокими – Мансуров Аҳрор Аҳмадалиевич жорий йилнинг 7 август куни Мингбулоқ тумани ҳокими этиб тайинланган эди.

Олдинроқ банк ходими Мирзаобод туманга ҳоким бўлгани ҳақида хабар берилган эди.