Аввалроқ, Самарқанд Давлат университетининг Каттақўрғон филиали биносидаги (собиқ лицей биноси) фаоллар зали шифтидаги бетон плита номаълум сабабларга кўра жойидан силжиб пастга тушгани ҳақида хабар берган эдик. Ҳолат юзасидан Бош прокуратура Матбуот котиби Ҳаёт Шамсуддинов маълумот берди.

Қайд этилишича, Каттақўрғон шаҳар прокуратураси томонидан терговга кадар текшириш ҳаракатлари олиб борилмоқда.

Дастлабки олинган маълумотларга кура, 2 нафар фуқаро тан жароҳати олган. Ҳозирда уларга зарур тиббий ёрдам кўрсатилмоқда.

Текшириш натижасига кура, қонуний қарор қабул қилинади.