Чилонзор тумани Астробод кўчасида содир бўлган ҳодиса юзасидан қўшимча маълумот берилди.

Бугун, 14 июнь куни соат 09:50 да Тошкент шаҳар Чилонзор тумани Астробод кўчасида жойлашган мис қувурлари ишлаб чиқариш цехининг бир қаватли бостирмаси (ангар)да технологик жараённи бузилиши натижасида портлаш ҳодисаси содир бўлиб, ёнғин юзага келгани ҳақида хабар бергандик. Натижада цехнинг том қисми конструкцияларининг қулаб тушиши ва 50 кв.м майдонда ички қисми ва дастгоҳларининг ёнишига олиб келган.

Ҳодиса оқибатида 1 нафар фуқаро воқеа жойида ҳалок бўлган ва 16 нафар фуқаро турли даражада тан жароҳати олиб, Республика шошилинч тиббий ёрдам илмий марказига ётқизилган. 7 нафар фуқарога аҳволи яхши бўлганлиги сабабли шифохонадан жавоб берилган.