14-iyun, chorshanba kuni soat 09:50 da Toshkent shahar Chilonzor tumani Astrobod koʻchasida joylashgan mis quvurlari ishlab chiqarish sexining bir qavatli bostirmasi (angar)da havo-gaz aralashmasining chaqnashi sodir boʻlgan.

Voqea joyiga FVV rahbariyati boshchiligida yongʻin-qutqaruv ekipajlari, shuningdek, prokuratura, IIV, MG, SSB, “Hududgaz” va boshqa tegishli tashkilotlar xodimlari yetib borgan. Ayni vaqtda hodisa oqibatlari bartaraf etilmoqda.

Dastlabki maʼlumotlarga koʻra, chaqnash oqibatida 6 nafar fuqaro turli darajada tan jarohati olib, Respublika shoshilinch tibbiy yordam ilmiy markaziga yotqizilgan.