Ўзбекистон Республикаси ташқи ишлар вазири в.б. Бахтиёр Саидов бошчилигидаги мамлакат делегацияси 2023 йил 28 февраль куни Остона шаҳрида (Қозоғистон Республикаси) бўлиб ўтадиган «C5+1» шаклидаги Вазирлар йиғилишида иштирок этади.

Тадбир давомида Ўзбекистон Республикаси, Қозоғистон Республикаси, Қирғиз Республикаси, Тожикистон Республикаси, Туркманистон ва Америка Қўшма Штатлари ташқи сиёсат идоралари раҳбарлари томонларни қизиқтирган соҳаларда мазкур механизм доирасидаги ҳамкорликнинг долзарб масалаларини муҳокама қиладилар.

Қайд этиш керак, АҚШ Давлат котиби Энтони Блинкен ушбу C5+1 форматидаги вазирлар учрашувида иштирок этиш учун Қозоғистонга илк расмий ташрифини амалга оширишини маълум қилганди. У, шунингдек, Ўзбекистонга ҳам келишни режалаштирган.