Ўзбекистонга аномал совуқнинг кириб келиши сабаб қишки таътил 18 январга қадар узайтирилгани эълон қилинди. Тегишли вазирлик ва идоралар томонидан бу борада бир неча бор муносабатлар билдирилиб, пойтахтга қайтиш учун олинган чипталар бошқа санага алмаштириб берилди.

Бироқ қишки таътил узайтирилиши ҳақидаги қарорлар аномал ҳароратга қарамай тезда бекор қилинди. Кеча 11 январь санасидан бир неча ҳудуддаги таълим муассасаларида дарс машғулотлари бошланиши ҳақида аввал ижтимоий тармоқлар фойдаланувчилари, сўнгра эса расмий ташкилотлар хабар берди. Маълум бўлишича, эндиликда бу қарорларни қабул қилиш ваколати ҳудудий ҳокимликларга юклатилган.

Ушбу ҳолат ижтимоий тармоқларда ҳазил-мутойиба, баҳс-мунозараларга сабаб бўлмоқда. Oyina.uz ушбу муносабатларнинг аксариятини бир ерга жамлади.