Машҳур ўзбек карикатурачиси Маҳмуд Эшонқулов суратларида нафақат маҳаллий, балки халқаро майдондаги воқеликларга ҳам муносабат билдириб боради. Шу сабаб уни бутун жаҳонда танишади. Биринчи иши 1991 йилда “Муштум” сатирик журналида чиққан ижодкор профессионал фаолияти давомида 350 дан ортиқ кўргазма, фестиваль ва танловларда иштирок этган. 250 дан зиёд танловда совринли ўринларни қўлга киритган.

Маҳмуд Эшонқуловнинг асарлари Япония, Болгария, Сербия, Хитой, Италия, Франция, Полша, Туркия, Корея ва Бразилия каби мамлакатларнинг Юмор ва Карикатура музейлари ва архивларидан жой олган. Oyina.uz Дунё карикатурачи рассомлар уюшмаси (УWC) аъзоси Маҳмуджон Эшонқуловнинг ҳали эълон қилинмаган карикатураларини биринчи марта тақдим этади. 

Эслатиб ўтамиз, ижодкор яқинда Кипр давлатида ўтказилган “Ўн иккинчи Халқаро карикатура танлови”да 3-ўринни эгаллагани ҳақида хабар берилган эди.

Oyina.uzни кузатиб боринг