Senatning oʻttiz ikkinchi yalpi majlisida Oliy Majlisi Senati Raisi oʻrinbosarini saylash masalasi koʻrib chiqildi.

Unda “Oʻzbekiston Respublikasi Oliy Majlisining Senati toʻgʻrisida”gi Konstitutsiyaviy qonunning 9 va 15-moddalariga hamda “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi qonunning 4-moddasiga muvofiq Murat Kallibekovich Kamalov Oliy Majlis Senati raisining oʻrinbosari lavozimidan ozod etildi.

Amanbay Tleubayevich Orinbayev esa elektron yashirin ovoz berish yoʻli bilan Senat raisining oʻrinbosari etib saylandi. Bu borada Senatning tegishli qarori qabul qilindi.