Bosh prokuratura huzuridagi Departament hamda DXXning Uychi tumani boʻlimlari tomonidan oʻtkazilgan tezkor tadbirda, Uychi tuman Aholi bandligiga koʻmaklashish markazi direktori S.A., 2 nafar fuqaroni ushbu markazga ishga qabul qilish evaziga oʻz xizmat xonasida 200 AQSH dollari va 2,2 mln soʻmni olgan vaqtida ashyoviy dalillar bilan ushlangan.

Shuningdek, olib borilgan tergovga qadar tekshiruvlar davomida S.A fuqaro X.dan 18 nafar fuqaroni rasmiy ishsizlar roʻyxatiga kiritib qoʻyish uchun muqaddam 1,8 mln soʻmini olganligi aniqlanib, shundan 100 AQSH dollari va 600 ming soʻmni qaytarganligi protsessual tartibda rasmiylashtirilgan.

Mazkur holat yuzasidan Jinoyat kodeksining 210-moddasi (pora olish) bilan jinoyat ishi qoʻzgʻatilib, tergov harakatlari oʻtkazilmoqda.