Bugun, 8 sentabr kuni mamlakatimiz mustaqilligining oʻttiz bir yilligiga bagʻishlangan “Eng ulugʻ, eng aziz” respublika koʻrik-tanlovi gʻolib va sovrindorlarini tantanali taqdirlash marosimi boʻlib oʻtdi. 

Gʻolib va sovrindorlar roʻyxati

 “Bosma ommaviy axborot vositalari xodimlarining maqolalari” nominatsiyasi boʻyicha:

1. Aziz Norqulov, Oʻzbekiston Respublikasi Mudofaa vazirligining “Vatanparvar” birlashgan tahririyati boʻlim boshligʻi – respublika matbuotida eʼlon qilingan  “Bobomning omonati”, “Eng pokiza taom”, “Ota uy” va boshqa dolzarb mavzudagi maqolalari uchun;

2. Murodjon Rahmatov, jurnalist – respublika matbuotida mustaqillik gʻoyalari singdirilgan bir qator dolzarb mavzularda eʼlon qilingan materiallari uchun;

3. Aliya Abduraxmanova, “Nurlы jol” gazetasi katta muxbiri – “Nurlы jol” gazetasida eʼlon qilgan turkum materiallari uchun.

“Ommaviy axborot vositasi sifatida davlat roʻyxatiga olingan veb-saytlar xodimlarining jurnalistik ishlari” nominatsiyasi boʻyicha:

1. Inobat Ahatova, “Oyina.uz” jurnalisti — “Oyina.uz” saytida eʼlon qilingan inson qadri va Vatanni ulugʻlovchi turkum maqolalari uchun;

2. Ahmadali Shernazarov, “Xalq soʻzi” gazetasining Sirdaryo viloyati boʻyicha muxbiri — “Xalq soʻzi Online” sayti va muallifning @Ahmadali_Shernazarov “Telegram” kanalida eʼlon qilingan Vatan madhini tarannum etuvchi publitsistik va tanqidiy-tahliliy turkum maqolalari uchun;

3. Abduvali Boʻriyev, Oʻzbekiston Milliy axborot agentligi (OʻzA)ning Navoiy viloyati boʻyicha muxbiri — yurtni ulugʻlovchi, islohotlar keng yoritilgan turkum materiallari uchun.

“Televideniye va radio ijodkorlarining materiallari” nominatsiyasi boʻyicha:

1. Xurshid Qodirov, “Oʻzbekiston 24” teleradiokanali sharhlovchisi – “Tahlilnoma”, “30 – Yoshlar kuni”, “Inson qadri uchun”  koʻrsatuvlari uchun;

2. Abdulla Ayizov, “Oʻzbekiston” radiokanali boʻlim mudiri – “Yangi Oʻzbekistonda el aziz, inson aziz” shiori asosida tayyorlagan “Millat va maʼnaviyat”, “Adabiy jarayon”, “Bedorlik” eshittirishlari uchun;

3. Jasurbek Abdurahmonov, “Mening yurtim” telekanalining Markaziy studiyasi muharriri – dolzarb mavzudagi turkum lavha va telereportajlari uchun.

 “Jurnalistlar tomonidan nashr etilgan publitsistik mavzudagi kitoblar” nominatsiyasi boʻyicha:

1. Husan Karvonli (Husan Nishonov) – “Oʻzbek shaxmatining oltin avlodi” kitobi uchun;

2. Muhtarama Ulugʻova – “Iztiroblar halovati” kitobi uchun;

3. Lola Nishonova, “Novaya Sыrdarya» gazetasi muxbiri – “Lyudi i sudbы” publitsistik toʻplami uchun.

 “Yozuvchi va shoirlarning badiiy asarlari” nominatsiyasi boʻyicha:

1. Neʼmat Arslon – oʻquvchilar qalbida ezgulikni, milliy istiqlol va ona Vatanga muhabbat, buyuk tariximiz va madaniyatimizdan iftixor, sogʻlom dunyoqarashni shakllantirish, ular ongiga milliy va umuminsoniy qadriyatlarni singdirishga xizmat qiladigan “Yozuvchi uchun atir” hikoyalar toʻplami uchun;

3. Muhammad Xoshon (Jalgʻasbay Xoshniyazov) – qoraqalpoq xalqining boy va teran tarixi, urf-odatlari, orzu umidlari va kelajakka ishonchini oʻzida aks ettirgan “Oqayotgan daryo” (“Bir daryaning agʻisi”) sheʼrlar toʻplami uchun;

3. Yoʻldosh Solijonov – “Anvar Obidjon poetik olami” monografiyasi uchun.

“Kino sanʼati asarlari” nominatsiyasi boʻyicha:

1. Akrom Shaxnazarov – filmdagi qahramon ichki kechinmalarini ochib bera olishi, film orqali yosh avlodni vatanparvarlik, oʻz kasbiga sadoqat ruhida tarbiyalashga undovchi “101-reys” nomli toʻliq metrajli badiiy filmdagi mualliflik va rejissyorlik ishi uchun;

2. Furqat Usmonov – oʻzbek xalqining boy adabiy merosini targʻib qilish, buyuk ajdodlarimiz hayoti va ijodini kino asarlari orqali tarannum etishdagi xizmati, Yangi Oʻzbekistonda inson qadrini ulugʻlash gʻoyalarini kino asarlari orqali yetkazish va tomoshabinlar ongiga singdirishga xizmat qiladigan “Xalq yuragi”, “Alisher Navoiy”, “Vijdon saratoni” hamda “Inson” nomli hujjatli filmlardagi mualliflik ishi uchun;

3. Aysanem Yusupova – oʻzbek va qozoq xalqlari oʻrtasida azaliy doʻstlik rishtalarini sof muhabbat va sadoqat orqali ochib beruvchi hamda yoshlarni ajdodlarga hurmat ruhida tarannum etgani uchun “Meros” nomli toʻliq metrajli badiiy filmdagi aktyorlik ijrosi uchun.

“Tasviriy sanʼat, foto asarlari va dizayn ishlari” nominatsiyasi boʻyicha:

1. Joʻrabek Xudoyqulov – “Yangi Oʻzbekistonning mustahkam tayanchi” nomli turkum grafik dizayn ishlari uchun;

2. Gʻayratilla Shukurov – millatlararo totuvlik va doʻstlik mavzusidagi foto asarlari uchun;

3. Zilola Qodirova – oʻzbek ayollari siymosi mavzusidagi turkum asarlari uchun.