10-12-sentabr kunlari Oʻzbekistonga Volga boʻyi hududlaridan biroz nam va salqin havo oqimi kirib keladi.

Qayd etilishicha, 11-12-sentabr kunlari respublika boʻylab kechalari harorat +10 +13 daraja, kunduz kunlari +25 +28 darajagacha pasayadi.

11-sentabr kuni Sirdaryo, Jizzax, Samarqand va Toshkent, 12-sentabr kuni Fargʻona vodiy viloyatlarida biroz yomgʻir yogʻishi mumkin. Dengiz sathidan 2500 metr balandlikdagi togʻlarda yogʻayotgan yomgʻir qorga aylanishi ehtimoli bor.

Sovuq havo oqimi kirib kelish jarayonida ayrim hududlarda shamol tezligi 15-18 m/s, 11-sentabr kuni Surxondaryo va Fargʻona vodiysida 20-23 m/s gacha kuchayishi prognoz qilinmoqda.