Qoʻqon shahriga turkiy davlatlardan nomdor fotograflar taklif etiladi va “Qoʻqon turkiy fotosuratchilar obyektivida” rukni ostida koʻrgazma va yosh fotograflar uchun mahorat darslari tashkil etiladi.

Ushbu tashabbus Qoʻqon shahri “Turkiy dunyoning turizm poytaxti” maqomini olganligi munosabati bilan amalga oshirilmoqda.

Oʻzbekiston boʻylab ijodiy safarda qatnashish uchun Turkiy davlatlar tashkilotiga aʼzo mamlakatlar (Ozarbayjon, Qozogʻiston, Qirgʻiziston, Turkiya, Oʻzbekiston) va kuzatuvchi davlatlardan (Vengriya, Turkmaniston) ikki nafardan taniqli ijodkor yurtimizga taklif etiladi. Ushbu tadbir 2022-yil, oktyabr oyining birinchi dekadasida oʻtkazilishi rejalashtirilgan.