Namangan viloyatida 150 dan ortiq ijtimoiy obyektlar va tadbirkorlik subyektlarining ochilish marosimlari bo‘lib o‘tmoqda. Shu jumladan, To‘raqo‘rg‘on tumanida ham ma’naviyat va yoshlar markazi foydalanishga topshirildi.

Ochilish marosimida Respublika Ma’naviyat va ma’rifat markazi viloyat bo‘limi rahbari M.Appakov, Yoshlar ishlari agentligi viloyat boshqarmasi boshlig‘i B.Mirzatov va To‘raqo‘rg‘on tumani hokimi A.Mansurov so‘zga chiqib, ma’naviyati mustahkam, yoshlari sodiq va intiluvchan xalqqa hech qanday yovuz kuch tajovuz qilolmasligi, bugun egalariga topshirilayotgan maskan ham bu borada o‘ziga xos qadriyatlar koshonasi bo‘lishini ta’kidlab o‘tdilar.

Umumiy yer maydoni 1,60 gektardan iborat mazkur majmuadan sog‘lomlashtirish va dam olish maskani, amfiteatr, kutubxona o‘rin olishi rejalashtirilgan.