Umumtaʼlim muassasalariga 2022/2023-oʻquv yilida birinchi sinfga Oʻzbekiston boʻyicha jami 587,7 ming nafar oʻquvchi qabul qilingan. Bu haqida Davlat statistika qoʻmitasi xabar berdi.

Qayd etilishicha, 1-sinfga qabul qilingan oʻquvchilarning 280,5 ming nafarini qiz bolalar, 307,2 ming nafarini esa oʻgʻil bolalar tashkil etmoqda.

Hududlar kesimi boʻyicha eng koʻp Samarqand viloyatida bolalar 1-sinfga qabul qilingan – 75,3 ming (qiz bolalar 36 ming, oʻgʻil bolalar 39,3 ming). Quyida viloyatlar kesimida maktabga qabul qilingan oʻquvchilarning umumiy soni hamda qiz va oʻgʻil bolalar nisbati keltirilgan:

•  Qoraqalpogʻiston Respublikasi – 33,7 ming nafar (qiz bolalar –16,2 ming, oʻgʻil bolalar – 17,5 ming);

•  Andijon viloyati – 51,9 ming nafar (qiz bolalar – 24,7 ming, oʻgʻil bolalar – 27,2 ming);

•  Buxoro viloyati – 25,6 ming nafar (qiz bolalar – 12,1 ming, oʻgʻil bolalar – 13,5 ming);

•  Jizzax viloyati – 24,8 ming nafar (qiz bolalar – 11,9 ming, oʻgʻil bolalar – 12,9 ming);

•  Qashqadaryo viloyati – 61,6 ming nafar (qiz bolalar – 29,4 ming, oʻgʻil bolalar – 32,2 ming);

•  Navoiy viloyati – 17,9 ming nafar (qiz bolalar – 8,6 ming, oʻgʻil bolalar – 9,3 ming);

•  Namangan viloyati – 50,9 ming nafar (qiz bolalar – 24,3 ming, oʻgʻil bolalar – 26,6 ming);

•  Samarqand viloyati – 75,3 ming nafar (qiz bolalar – 36 ming, oʻgʻil bolalar – 39,3 ming);

•  Surxondaryo viloyati – 53,2 ming nafar (qiz bolalar – 25,4 ming, oʻgʻil bolalar – 27,8 ming);

•  Sirdaryo viloyati – 13,2 ming nafar (qiz bolalar – 6,2 ming, oʻgʻil bolalar – 7,0 ming);

•  Toshkent viloyati – 45,6 ming nafar (qiz bolalar – 21,6 ming, oʻgʻil bolalar – 24 ming);

•  Fargʻona viloyati – 62,4 ming nafar (qiz bolalar – 30,1 ming, oʻgʻil bolalar – 32,3 ming);

•  Xorazm viloyati – 33,5 ming nafar (qiz bolalar – 16,2 ming, oʻgʻil bolalar – 17,3 ming);

•  Toshkent shahri – 38,1 ming nafar (qiz bolalar – 17,8 ming, oʻgʻil bolalar – 20,3 ming).