Toshkent shahrida Mustaqillik bayrami munosabati bilan ayrim koʻchalarda avtomobillar harakati cheklanadi. Bu haqida poytaxt IIBB axborot xizmati xabar berdi.

Foto: Toshkent shahar IIBB axborot xizmati

Qayd etilishicha, 31-avgust kuni Oʻzbekiston davlat mustaqilligining 31 yilligi munosabati bilan tadbir oʻtkazilishi rejalashtirilgan. Shu sababli Toshkentning Yangi Oʻzbekiston, Mahtumquli, Tabarruk va Choʻlpon koʻchalarida soat 18:00 dan 00:00 gacha boʻlgan vaqt oraligʻida avtotransport vositalari harakati vaqtinchalik cheklanadi.

“Yuzaga kelayotgan noqulayliklar uchun uzr soʻraymiz va aylanma yoʻllardan foydalanishni tavsiya qilamiz”, – deyiladi xabarda.