Ijtimoiy tarmoqlarda tarqalayotgan va muhokamalarga sabab boʻlayotgan davlat oliy taʼlim muassasalarida bazaviy toʻlov-kontrakt miqdorlarining oshirilganligi toʻgʻrisidagi xabarlar haqiqatga toʻgʻri kelmaydi. Bu haqida Oliy va oʻrta maxsus taʼlim vazirligi oʻz rasmiy munosabatida maʼlum qildi.

Shuningdek, vazirlik bazaviy toʻlov-kontrakt miqdorlari 2022/2023 oʻquv yili uchun tasdiqlanishi kutilayotganligini inobatga olib, ushbu masala rasmiy eʼlon qilinmagunga qadar barcha davlat oliy taʼlim muassasalari, shu jumladan, moliyaviy mustaqillik berilgan taʼlim tashkilotlari ham rasmiy bayonot berishini asossiz, deb hisoblaydi.