Joriy yilning yozida rossiyalik sayyohlar asosan mamlakat hududidagi kurort zonalarda dam olishni afzal koʻrishdi. Eng koʻp turist tashrif buyuradigan joy sifatida Dogʻiston, Kamchatka va Oltoy qayd etildi. Bu haqida “Russkiy standart” banki tadqiqotiga tayanib, TASS nashri xabar bermoqda.

“Sayohatlar oqimi boʻyicha ikkinchi oʻrinni MDH davlatlari egalladi. Ushbu davlatlarga sayohat qilishning yuqori talabi shakllanishida kurort zonalari va attraksionlarga yetib borish uchun transport qulayligi, shuningdek aholining turli qatlamlari imkoniyatlarini hisobga olgan holda yanada qulay narx siyosatining mavjudligi muhim rol oʻynaydi”, deyiladi tadqiqotda.

Qayd etilishicha, rossiyalik sayyoh oʻrtacha hisobda Oʻzbekistonda 6,8 ming rubl (1,2 mln soʻm), Qirgʻizistonda 2 ming rubl (363 ming soʻm), Qozogʻistonda esa 10 000 rubl (1,8 mln soʻm) sarflagan.

Shuningdek, transport qiyinchiliklariga qaramay rus sayyohlari orasida Turkiyaning dengiz kurortlari va Maldiv orollariga boʻlgan qiziqish yuqoriligicha qolmoqda. Isroil, Gretsiya va Tailand ham sayohat uchun talab yuqori davlatlar uchligiga kiritilgan.

1925-yil OʻzSSR tuzilgach, shoʻro hukumati Olmoniyada tahsil olayotgan oʻzbek yoshlarini qaytarish masalasini talab qila boshlaydi. Hatto, vaziyatni tekshirish uchun Toshkentdan Meyerson rahbarligida maxsus komissiya yoʻllaydi.