Toshkent–Chirchiq–Chimyon avtomobil yoʻlining 51-kilometridan 53-kilometrigacha boʻlgan qismi yopiladi.

Boʻstonliq tumanida Oʻzbekiston Respublikasi davlat mustaqilligining 31 yilligi bayrami tantanalari oʻtkazilishi munosabati bilan tadbir oʻtkaziladigan joylarda jamoat tartibi va xavfsizligini taʼminlash maqsad qilingan.

Shu munosabat bilan 2022-yilning 25-avgust kuni soat 17:00 dan to 23:00 ga qadar Gʻazalkent shahri hududidan oʻtgan 4R6 Toshkent–Chirchiq–Chimyon avtomobil yoʻlining 51-kilometridan (Gʻazalkent shahriga asosiy kirish yoʻli Bukri (gorbatiy) koʻprik oldidan) 53-kilometriga (Ibn Sino koʻchasidagi qurilish doʻkoni) qadar toʻliq transport vositalari harakati cheklanadi.