Davlat aktivlarini boshqarish agentligi Uzbekistan Airwaysʻning ayrim samolyotlarini sotish jarayonini tashkillashtirish uchun xususiylashtirish boʻyicha professional konsalting kompaniyasi tanlab olinishi yuzasidan tanlov eʼlon qildi.

Sotish jarayoni havo kemalari bozori tarmoq va individual xususiyatlaridan kelib chiqib hamda Oʻzbekiston qonunchiligi talablarini hisobga olgan holda eng maqbul xorijiy tajribaga muvofiq tashkil etilishi lozim.

Aktivlar (18 ta havo kemalari va 1 ta simulyator) 6 ta lotga boʻlingan, konsultant tavsiyalari asosida bozor talablari va tahlil natijalariga muvofiq lotlar tarkibi oʻzgartirilishi mumkin.

Toʻlovlar har bir lot sotilganidan keyin amalga oshiriladi.