15-avgustdan boshlab Qoraqalpogʻiston Respublikasi boʻylab “Maʼnaviyat festivali” doirasida turli maʼnaviy-maʼrifiy tadbirlar, uchrashuvlar boʻlib oʻtmoqda. Bugun - festivalning ikkinchi kunida Respublikaning barcha tumanlariga “Kitob karvoni” kirib bormoqda.

Respublika Maʼnaviyat va maʼrifat markazi, Oʻzbekiston Yozuvchilar uyushmasi, “Maʼrifat” targʻibotchilar jamiyati hamkorligida aholida kitobxonlik madaniyatini oshirish, yosh avlodni mutolaaga boʻlgan mehrini yuksaltirish maqsadida jahon va milliy adabiyotimiz durdonalaridan iborat oʻzbek, qoraqalpoq tilidagi 5 000 dan ortiq nusxadagi kitoblarni oʻz ichiga olgan “Kitob karvoni” Nukus shahridan tumanlarga yoʻl oldi.

Ushbu kitoblar aholining barcha qatlamiga yetib borishi uchun, maktablar, mahallalardagi kutubxonalarga bepul tarqatiladi.