Oʻzbekistonda taʼlim muassasalarida oʻqish 5-sentyabrdan boshlanadi. Bu haqida Vazirlar Mahkamasi huzuridagi Taʼlim sifatini nazorat qilish davlat inspeksiyasi maʼlum qildi.

Qayd etilishicha, Mustaqillik bayrami munosabati bilan oʻzbekistonliklar 4 kun dam oladi:

• 1-sentyabr – payshanba (ishlanmaydigan bayram kuni);
• 2-sentyabr – juma (ish haftasi turidan qatʼiy nazar qoʻshimcha dam olish kuni);
• 3-sentyabr – shanba (olti kunlik ish haftasidagi xodimlar uchun qoʻshimcha dam olish kuni);
• 4-sentyabr – yakshanba (dam olish kuni).

“Demak, 5-sentyabr, dushanba kuni barcha taʼlim muassasalari uchun 2022/2023-oʻquv yilining ilk oʻqish kuni boʻladi”, deyiladi xabarda.

Maʼlumot uchun, “2022-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi prezidenti farmoniga koʻra, barcha xodimlar uchun 2-sentyabr – juma qoʻshimcha dam olish kuni, olti kunli ish haftasida ishlaydigan xodimlar uchun esa 3-sentyabr – shanba dam olish kunlari etib belgilangan.

Oʻzbekiston baxtli mamlakatlar reytingida eng yuqori oʻrinni egalladi.