Ijtimoiy tarmoqlarda My.gov.uz logotipi hamda davlat rahbarining fotosuratidan foydalangan holda soxta «Единый Портал Узбекистана» sahifasi ochilib, har bir fuqaroga 500 000 soʻmdan berilayotgani haqida yolgʻon axborotlar tarqatilayotgani maʼlum qilindi.

“Mazkur xabarlar mutlaqo haqiqatga toʻgʻri kelmaydi va yurtdoshlarimizni bu kabi yolgʻon maʼlumotlarga ishonmaslikka chaqiramiz. Firibgarlar bu usuldan foydalanib fuqarolarning plastik kartalaridan pul oʻgʻirlashni rejalashtirishgan boʻlishi mumkin”, deyiladi my.gov.uz saytining rasmiy telegram kanalida.

Yagona interaktiv davlat xizmatlari portali (my.gov.uz) haqida ishonchli maʼlumotlarni uning rasmiy veb-saytidan olish mumkin.