2022-yil 11-avgust kuni professional taʼlim muassasalari (kollej va texnikumlar)ga abituriyentlarni onlayn roʻyxatga olish boshlandi.

Abituriyentlarni roʻyxatga olish Davlat test markazining my.dtm.uz saytida “Professional taʼlim muassasalariga qabul” boʻlimi orqali amalga oshirilmoqda.

Roʻyxatga olish 10-sentyabrga qadar (10-sentyabr kuni ham) davom etadi va abituriyentlar 10-sentyabrga qadar oʻz maʼlumotlarini oʻzgartirishi mumkin.

2022/2023 oʻquv yilida kollej va texnikumlarga kunduzgi, kechki, sirtqi va dual taʼlim shakllari boʻyicha jami 139 638 ta qabul kvotasi tasdiqlangan.

Shundan 149 ta kollej uchun — 59 ming 460 ta, 194 ta texnikum uchun — 80 ming 178 ta qabul ajratildi.