Hududlardan 6 oyda 25 290 kishi Toshkent shahriga doimiy yashash uchun koʻchib kelgan.

2022-yil yanvar-iyun oylarida respublika boshqa hududlaridan Toshkent shahriga doimiy yashash uchun koʻchib kelganlar soni 25 290 kishini tashkil etgan.

Davlat statistika qoʻmitasi maʼlumotlariga koʻra, bu koʻrsatkich oʻtgan yil mos davriga nisbatan 4 170 kishiga kamaygan.

Toshkent shahriga koʻchib kelganlar kesimida erkaklar – 12 086 kishini, ayollar – 13 204 kishini tashkil qildi.

2022-yil yanvar-iyun oylarida Toshkent shahridan respublika boshqa hududiga doimiy yashash maqsadida koʻchib ketganlar soni 4813 kishini tashkil etdi.