19-21-avgust kunlari Toshkent shahridagi Sayilgoh koʻchasida “Toshkent suvenirlari” koʻrgazma savdosi oʻtkaziladi. Bu haqida “Hunarmand” uyushmasi axborot xizmati maʼlum qildi.

Uch kun davomida mehmonlar yurtimizning mashhur hunarmandlaridan oʻzlarining sevimli hunarmandchilik mahsulotlari, suvenirlar sotib olishlari, ularning tayyorlanish jarayonlarini kuzatishlari va oʻzlari bu jarayonda bevocita ishtirok etishlari, shuningdek boy koʻngilochar dasturni tomosha qilishlari mumkin.

Koʻrgazma savdoda respublikaning barcha hududlaridan 200 nafardan ziyod hunarmandlar, xalq amaliy sanʼati ustalari mahorat darslari bilan ishtirok etadi.