Toshkent shahrida joylashgan Mirzo Ulugʻbek nomidagi markaziy istirohat bogʻida 6 va 7-avgust kunlari  “Yangiamarket” hunarmandlar, rassomlar, gastro-havaskorlar va musiqachilarning ikkinchi festivali boʻlib oʻtadi.

Festival Oʻzbekiston Respublikasi Turizm va madaniy meros vazirligi koʻmagida hamda EXPRESS 24 xizmati hamkorligida tashkillashtirilmoqda.

“Yangiamarket” — yangi formatdagi tadbir boʻlib, biznes, madaniyat va sanʼatning koʻplab sohalari vakillarini oʻzida jamlaydi. Tadbir doirasida eng yaxshi yosh va istiqbolli dizaynerlar, hunarmandlar, bastakorlar va rassomlar, gastro-havaskorlar va oʻz sohasining boshqa mutaxassislari oʻz ishlarini taqdim etadilar.

Ikki kunlik festival dasturida Samocean (Samara dueti), DIOR (Moskva), Valeri (Toshkent), COC (Toshkent) kabi mahalliy va xorijiy yosh ijodiy guruhlar oʻz musiqiy chiqishlarini namoyish qiladilar.

Festivalga tashrif buyurgan mehmonlar “Varim Kofe” qahvalari, “LILICHA” choylari va “Testo by Zamira” mazali taomlaridan tatib koʻrishlari mumkin.

Maʼlumot uchun, festivalga kirish bepul.