Ichki ishlar organlari xodimlari xizmat vaqtida va kiyimida chilim chekayotgani aks etgan video tarqaldi. Ichki ishlar vazirligi matbuot kotibi Shohruh Gʻiyosov holatga munosabat bildirdi.

Qayd etilishicha, ushbu holat haqiqatda xodimlarning ish vaqtida, ammo 2017-yilning avgust oyida Toshkent metropolitenida xavfsizlikni taʼminlash boshqarmasi xodimlari tomonidan xizmat xonasida sodir etilgan.

Maʼlum qilinishicha, holat yuzasidan xizmat tekshiruvi oʻtkazilib, har bir xodimga nisbatan oʻrnatilgan tartibda intizomiy jazo tayinlangan.