Prezident matbuot kotibi Sherzod Asadov Shavkat Mirziyoyevning bu hafta ish rejasidan oʻrin olgan tadbirlarni eʼlon qildi. Bu haqida jurnalist Aziza Qurbonova xabar berdi.

Maʼlum qilinishicha, Toshkent shahrida Oʻzbekiston, Turkiya va Ozarbayjon tashqi ishlar, savdo hamda transport vazirlarining ilk marotaba uch tomonlama uchrashuvi boʻlib oʻtadi.

Muzokaralar kun tartibidan mintaqalararo hamkorlik, investitsiya, innovatsiya va transport-kommunukatsiya sohalaridagi aloqalarni yanada rivojlantirish masalalari oʻrin olgan.

Prezident unda ishtirok etish uchun mamlakatimizga keladigan Turkiya tashqi ishlar vaziri Mexmet Chovushoglu hamda Ozarbayjon tashqi ishlar vaziri Jeyxun Bayramovni qabul qilishi rejalashtirilmoqda.

Shunindgek, davlat rahbari 28-iyuldan beri Oʻzbekistonda boʻlib turgan Yevropada xavfsizlik va hamkorlik tashkilotining Milliy ozchiliklar masalalari boʻyicha komissari Qayrat Abdurahmanovni qabul qiladi.

Bundan tashqari, hafta davomida mamlakatni iqtisodiy-ijtimoiy rivojlantirishga qaratilgan yigʻilish va muhokamalar oʻtkaziladi.