Andijon viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – viloyat iqtisodiy taraqqiyot va kambagʻallikni qisqartirish bosh boshqarmasi boshligʻi lavozimiga Dilshadbek Abdumalikovich Karimov tayinlandi. Bu haqida hokimlik Matbuot xizmati xabar berdi.

Dilshodbek Karimov tayinlovga qadar Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Hududlarni kompleks rivojlantirish departamenti direktori oʻrinbosari lavozimida ishlagan.

Shuningdek, Jizzax viloyati hokimning yoshlar siyosati, ijtimoiy rivojlantirish va maʼnaviy-maʼrifiy masalalar boʻyicha oʻrinbosari lavozimiga Akmal Abdumoʻminovich Savurbayev tayinlandi.

Bunga qadar Abdumuminovich Savurbayev Axborot texnologiyalari va kommunikatsiyalarini rivojlantirish vazirligi departament boshligʻi lavozimida faoliyat yuritgan.