Ellik yil muqaddam va undan ham oldinroq yaratilgan madaniy boyliklarni Oʻzbekiston Respublikasidan olib chiqilishi mumkin emas.

“Samarqand-Vnukovo” yoʻnalishidagi aviareys bilan xorijga ketayotgan fuqaro A.A.ning bagaj sumkasi rentgen apparati yordamida bojxona nazoratidan oʻtkazdi, deya xabar bermoqda Samarqand viloyati bojxona boshqarmasi.

Natijada fuqaroning bagaj sumkasidan Kushonlar davriga oid 5 dona qadimiy tangalar, 3 dona tarozi kalibrovkasini oʻlchaydigan qadimiy metallar hamda 1 donadan 7,62 kalibrli gilza va otilgan oʻq qoldigʻi borligi aniqlandi.

Foto: Samarqand viloyati bojxona boshqarmasi.

Hozirda mazkur holat yuzasidan bojxona organlari tomonidan surishtiruv harakatlari davom ettirilmoqda.