Ilk yarim yillikda (yanvar-iyun) Oʻzbekistonda doimiy aholi soni 332,1 mingga (2,1% ga) koʻpayib, 35,6 mln nafardan oshdi, deya xabar berdi Davlat statistika qoʻmitasi.

Jumladan, aholining 18,1 mln nafari shaharlarda (jami aholining 50,9 foizi), 17,5 mln nafari (49,1 %) qishloqlarda istiqomat qiladi. Jami aholining 17,9 mln qismini erkaklar, 17,7 mln qismini ayollar tashkil qiladi.

Shuningdek, maʼlum qilinishicha, shahar va qishloq aholisining oʻrtacha umr koʻrish davomiyligi bir xil boʻlib, 73,8 yoshni tashkil etadi.