29-iyuldan 1-avgustgacha kutilayotgan yomgʻirlar yogʻishi sababli togʻ oldi va togʻli hududlarda sel-suv toshqin hodisalari yuzaga kelishi mumkin, deb xabar berdi Oʻzgidromet.

Sel-suv toshqinlar kuzatilishi kutilmoqda:

• Toshkent viloyati: Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlarida va Angren, Olmaliq shaharlarida;
• Namangan viloyati: Pop, Kosonsoy, Chortoq, Chust, Namangan, Yangiqoʻrgʻon tumanlarida;
• Fargʻona viloyati: Soʻx, Shohimardon, Fargʻona, Beshariq tumanlarida

Markaz togʻ oldi va togʻli hududlarda istiqomat qiluvchi fuqarolarni, dam oluvchilarni hamda togʻli hududlarda harakatlanuvchi haydovchilarni ehtiyotkorlik choralarini koʻrishlarini soʻramoqda.