Nogironligi boʻlgan yoshlarga 15 mln soʻmgacha boʻlgan miqdorda subsidiya ajratish uchun ariza qabul qilinadi.

Hukumat qarori bilan nogironligi boʻlgan yoshlarga subsidiya ajratishning maʼmuriy reglamentlari tasdiqlangan.

Reglamentga koʻra, nogiron yoshlarga nodavlat taʼlim tashkilotlarida kasb-hunar, dasturlash, umumtaʼlim fanlari va xorijiy tillarni oʻrgatish, zarur hollarda yashash va transport xarajatlarini qoplash uchun BHMning 50 baravarigacha (15 mln soʻmgacha) subsidiya ajratiladi.

Subsidiya olish uchun arizalar joriy yil uchun – 2022-yil 1-avgustdan, 2023-yildan boshlab har yili – 10-yanvardan qabul qilinadi.