Bugun, 27-iyul kuni Namangan viloyati Pop tumanida FV boʻlimi xodimlari profilaktik tadbirlarni amalga oshirib yurgan vaqtda “Chigʻanoq” mahallasi hududidan oqib oʻtuvchi “Sirdaryo” daryosida 8 yoshli bola suvda oqib ketayotganligini koʻrib qolishadi.

Darhol qutqaruvchi Olimjon Tulanboyev suvga shoʻngʻib bolakayni qutqarib, suvdan olib chiqqan.

Qayd etilishicha, hozirda bolakayning holati barqaror va hech qanday jiddiy shikastlanmagan.

Favqulodda vaziyatlar vazirligi aholidan choʻmilish qoidalariga qatʼiy rioya etishni soʻragan.