Joriy yilning 29-iyul – 7-avgust kunlari Toshkent shahridagi uchta koʻcha avtomobil harakati uchun yopiladi. Bu haqida shahar hokimligi matbuot xizmati xabar berdi.

Qayd etilishicha, ushbu kunlarda Food Fest-2022 gastronomik festivali boʻlib oʻtadi. Festival kunlari doirasida quyidagi yoʻllarda avtotransport harakati cheklanadi:

– Istiqlol koʻchasi – Buyuk Turon koʻchasidan Hyatt Regency mehmonxonasigacha boʻlgan qismida;
– Zarafshon koʻchasi – Istiqlol koʻchasidan va Mustaqillik shoh koʻchasigacha boʻlgan qismida;
– Javaxarlal Neru koʻchasi – Mustaqillik shoh koʻchasidan Zarafshon koʻchasigacha boʻlgan qismida.

“Vaqtincha noqulayliklar uchun uzr soʻraymiz va haydovchilardan aylanma yoʻllardan foydalanishni iltimos qilamiz”, deyiladi xabarda.