Madaniyat vazirligi hamda Toshkent viloyati hokimligi tashabbusi bilan Toshkent viloyat madaniyat bosh boshqarmasi ijodiy jamoalari vakillari Turkiya respublikasida gastrol safarida boʻlib turibdi.

Toshkent viloyati ijodiy jamoasi delegatsiya rahbarlari uchun dastlab Turksoy xalqaro tashkiloti bosh kotibi janob Sultan Rayev hamrohligida Turkiya Respublikasi Malatiya viloyati hokimi, janob Hulusi Shaxin bilan uchrashuv tashkil etildi.

Muloqotda Toshkent hamda Malotiya viloyatlari oʻrtasida madaniy hamkorliklarni yanada mustahkamlash borasida fikr almashildi.

Maʼlumot uchun: Turksoy xalqaro tashkiloti Ozarbayjon, Oʻzbekiston, Qozogʻiston, Qirgʻiziston, Turkiya, Turkmaniston ishtirokida 1993-yil 12-iyul kuni tashkil topgan. Hozirgi kunda ushbu tashkilotga 6 ta mamlakat aʼzo. Uning bosh qarorgohi esa Turkiyaning Anqara shahrida joylashgan.