“Uzbekistan Airways” aviakompaniyasining Antalya—Toshkent yoʻnalishi boʻyicha uchishi kerak boʻlgan reysi kechiktirildi. Bu haqida Telegramʻdagi “Novosti Tashkentskogo neba” kanali xabar berdi.

Maʼlum qilinishicha, Boeing 767-300 samolyotida amalga oshirilishi rejalashtirilgan HY-3722 charter reysi texnik sabablarga koʻra ushlanib qolgan. Bort 21-iyul kuni kechqurun parvoz qilishi kerak boʻlgan, biroq u hali ham Antalya xalqaro aeroportida qolmoqda.

Mazkur reys yoʻlovchilari mehmonxonaga joylashtirilgan.