Qashqadaryo viloyati IIB axborot xizmatining xabar berishicha, Koʻkdala tumanida joylashgan “Umakay” muntazam yoʻl-patrul maskanida Nexia mashinasi toʻxtatilgan.

Hujjatlarni tekshirish jarayonida mashinada sanitariya qoidalariga zid ravishda qariyb 1 tonna goʻsht ortib ketilayotgani aniqlangan. Dastlabki surishtiruvda haydovchi oʻzining oti va qoramollarini soʻyib, goʻshtini Toshkentga olib ketayotganini aytgan.

Goʻsht tegishli tartibda hujjatlashtirilib, viloyat veterinariya sanitariya-epidemiologiya markazida tekshirib koʻrilganda uning isteʼmolga yaroqsiz ekani maʼlum boʻlgan. Shundan soʻng isteʼmolga yaroqsiz goʻsht tegishli tartibda yoʻq qilingan.