Farg‘ona viloyati bojxona boshqarmasining “Farg‘ona” chegara bojxona posti, ushbu postning Shoximardon qishlog‘iga kirish qismida joylashgan “Oq-Qiya” bojxona punkti hamda “So‘x” chegara bojxona posti 24 soatlik ish rejimiga o‘tdi. Bu haqda Bojxona qo’mitasi xabar berdi.

Bunga qadar ushbu bojxona postlari soat 06:00 dan 22:00 ga qadar xizmat olib borilgan.

O‘tkazish punktlarining ish rejimidagi o‘zgarish yozgi sayyohlik mavsumida chegaradan o‘tayotgan fuqarolar uchun yanada qulay sharoitlar yaratishga qaratilgan. Ushbu tartib joriy yilning 1-oktyabriga qadar amal qiladi.